Koen xatırladıb ki, oktyabrın 7-dən Qəzza zolağında 30-dan çox azyaşlı, o cümlədən doqquz aylıq körpə HƏMAS radikal hərəkatının yaraqlıları tərəfindən saxlanılıblar.

Qəzzada ölənlərin sayı 10 mini keçib

Diplomat özünün "X" hesabında "Antonio Quterreş ayıb olsun!" yazıb. O qeyd edib ki, anklavın problemi İsrailin qruplaşmanı məhv etməklə bağlı fəaliyyətləri deyil, HƏMAS -dır.

Qeyd edək ki, BMT-nin baş katibi Antonio Quterreş Qəzza zolağının "uşaqlar üçün qəbiristanlığa" çevrildiyini deyib: "Hər gün körpə qız və oğlanların öldürüldüyü, yaralandığı Qəzza uşaqlar üçün qəbiristanlığa çevrilib”.

O həmçinin, BMT və tərəfdaşlarının Qəzza ilə İordan çayının qərb sahilindəki 2,7 milyon insan üçün 1,2 milyard dollar dəyərində humanitar yardım çağırışı başlatdıqlarını açıqlayıb.

Xatırladaq ki, oktyabrın 7-də HƏMAS İsrailə bir neçə min raket atdı. Bunun ardınca terrorçular sərhəddəki keçilməz səddləri-maneə divarlarını yararaq İsrail ərazisinə sıza bildilər. Onlar xeyli sayda hərbçini əsir və dinc sakini girov götürdülər.

Belə bir faciəvi mənzərə fonunda İsrailin milli təhlükəsizlik naziri İtamar Ben-Qvir həmin gün ölkədə fövqəladə vəziyyət elan etdi. İsrailin Baş naziri Benyamin Netanyahu isə ölkənin müharibə vəziyyətində olduğunu açıqladı.

Dünən isə Fələstinin Səhiyyə Nazirliyi məlumat yayıb ki, İsrailin HƏMAS silahlılarını zərərsizləşdirmək məqsədilə Qəzzaya endirdiyi cavab zərbələri nəticəsində ölən fələstinlilərin sayı 10 mini keçib. Qeyd olunub ki, müharibə nəticəsində 25 mindən çox şəxs yaralanıb.

Shame on you @antonioguterres! More than 30 minors - among them a 9 month-old baby as well as toddlers and children who witnessed their parents being murdered in cold blood - are being held against their will in the Gaza Strip.
Hamas is the problem in Gaza, not Israel's actions…

— אלי כהן | Eli Cohen (@elicoh1) November 6, 2023

Tural Tağıyev
AzVision.az