İsrailin “The Times of Israel” qəzeti yazıb ki, plana atəşkəs, girovların azad edilməsi və Fələstin hökumətinin yaradılması daxildir. Nəşrin məlumatına görə, dekabrın 24-də İsrail rəsmiləri bir neçə yəhudi mediasına Misirin HƏMAS-la müharibədə atəşkəs və Qəzza zolağında yaraqlılar tərəfindən saxlanılan israilli girovların azad edilməsi ilə bağlı yeni təklifi müzakirəyə çıxardığını təsdiqləyiblər. Bəzi rəsmilərin fikrincə, İsrail təklifi qəti şəkildə rədd etmir, layihə danışıqlara səbəb ola bilər.

Keçən həftə Qahirədə Misir və HƏMAS arasında danışıqlarda iştirak edən mənbəyə istinad edən Səudiyyə xəbər saytı “Asharq”a görə, Misirin təşəbbüsü döyüşləri bitirmək və qalan bütün girovları üç mərhələdə azad etmək planıdır.

Birinci mərhələ 40 girovun - qadınların, azyaşlıların və qocaların, xüsusən də xəstələrin azad edilməsi müqabilində üç və ya dördə qədər uzanma ehtimalı ilə iki həftəlik hərbi əməliyyatların dayandırılmasıdır.

Bunun müqabilində İsrail 120 fələstinli məhbusu azad edəcək. Bu müddət ərzində hərbi əməliyyatlar dayandırılacaq, İsrail tankları geri çəkiləcək və Qəzzaya humanitar yardımlar gələcək.

İkinci mərhələdə İordan çayının qərb sahilində və Qəzza zolağında anklavın yenidən qurulmasına nəzarət edəcək və Fələstində parlament və prezident seçkilərinə yol açacaq texnokratik hökumət formalaşacaq.

Üçüncü mərhələ hərtərəfli atəşkəs, HƏMAS və Fələstin İslami Cihad terror qruplaşması (Rusiyada qadağan olunmuş təşkilat) ilə əlaqəli İsrail həbsxanalarında olan fələstinli məhbusların əvəzində əsgərlər də daxil olmaqla qalan israilli girovların azad edilməsini əhatə edəcək. Bu mərhələdə İsrail Qəzza zolağının şəhərlərindən qoşunlarını çıxaracaq və anklavın şimalından köçkün düşmüş Qəzza zolağı sakinlərinin öz evlərinə qayıtmasına icazə verəcək.

AzVision.az