Azərbaycanlı diplomatlar üçün viza rejimi sadələşdirildi - Fotolar

  23 Noyabr 2017    Oxunub : 542
Azərbaycanlı diplomatlar üçün viza rejimi sadələşdirildi - Fotolar

Azərbaycan prezidenti İlham Əliyevin Belçika Krallığına işgüzar səfəri çərçivəsində “Azərbaycan Respublikası Hökuməti ilə Benilüks Dövlətləri Hökumətləri arasında xidməti pasport sahiblərinin viza tələblərindən azad edilməsi haqqında saziş” imzalanıb.

Azərbaycanın Belçikadakı səfirliyindən AzVision.az-a verilən məlumata görə, saziş Benilüks ölkələrinin Brüsseldə yerləşən Baş Katibliyinin binasında, Azərbaycan Respublikası tərəfindən Azərbaycanın Belçika Krallığındakı səfiri Fuad İsgəndərov, Niderland Krallığının Belçika Krallığındakı səfiri xanım Maryem Van den Heuvel, Belçika Krallığı tərəfindən Belçika Krallığının Avropa İttifaqı yanında daimi nümayəndəsi Fransua Ru, Lüksemburq Böyük Hersoqluğu tərəfindən Lüksemburq Böyük Hersoqluğunun Avropa İttifaqı yanında daimi nümayəndəsi Jorj Friden tərəfindən imzalanıb.



Sənədin imzalanması minlərlə xidməti pasport sahiblərinin bu ölkələrin ərazilərinə vizasız gediş-gəlişi üçün imkan yaradacaq.



Eldar Tanrıverdiyev
AzVision.az

Teqlər: Belçika   Azərbaycan   viza