“Böhran vaxtı Azərbaycan yanımızda olub” - Gürcü general
Azvision.az xəbər verir ki, bunu Gürcüstan Silahlı Qüvvələrinin Baş Qərargah rəisi, general-mayor Vladimer Çaçibaia Bakıda keçirilən üçtərəfli görüşdə çıxışı zamanı deyib.
Gürcü general qeyd edib ki, regionda təhdidlərin artması müşahidə olunur: "Birgə səylərimizi birləşdirsək, bu problemləri aradan qaldırmağa nail ola bilərik. Azərbaycan və Türkiyə hər zaman Gürcüstanın ərazi bütövlüyünü dəstəkliyib. Biz hər zaman xatırlayırıq ki, böhran vəziyyətimizdə Azərbaycan və Türkiyə yanımızda olub".
Xatırladaq ki, bu gün Bakıda Azərbaycan Respublikasının müdafiə naziri, general-polkovnik Zakir Həsənov, Türkiyə Respublikasının Baş Qərargah rəisi, ordu generalı Yaşar Güler və Gürcüstan Silahlı Qüvvələrinin Baş Qərargah rəisi, general-mayor Vladimer Çaçibaia arasında üçtərəfli görüş keçirilib.
Anar Kəlbiyev
Azvision.az