“Milli Şura getsin Seçki Məcəlləsini diqqətlə oxusun” - Siyavuş Novruzov
Azvision.az xəbər verir ki, bunu Yeni Azərbaycan Partiyasının (YAP) icra katibinin müavini Siyavuş Novruzov deyib.
S.Novruzovun sözlərinə görə, Milli Şura cəmiyyətə yalnış informasiya sırımaq istəyir ki, guya seçkidə iştirak etməsələr, seçki qeyri-demokratik olacaq: "Dünyanın heç bir yerində, beynəlxalq hüquq normasında, Azərbaycan Konstitusiyasında, Seçki Məcəlləsində elə bir müddəa yoxdur ki, hansı təşkilat iştirak etdi və ya etmədi. Söhbət alternativlikdən gedir. Yəni bir yerə iki namizəd varsa, artıq burada alternativlik təmin olunub və orada seçki keçirmək mümkündür. Ona görə də kimin iştirak edib-etməməsi hər kəsin öz hüququdur. O ki qaldı, Milli Şuraya, onun qaldırdığı məsələlərin hər biri Seçki Məcəlləsində var. Milli Şura getsin Seçki Məcəlləsini diqqətlə oxusun. Onlar ya Seçki Məcəlləsini düzgün oxumayıblar, ya da oxuyub düzgün təqdim etmirlər və insanları aldatmağa çalışıb, seçkilərin üzərinə kölgə salmaq istəyirlər. Halbuki onların sosial bazası, elektoratı yoxdur və bilirlər ki, seçilməyəcəklər. Çünki xalq onlara etimad göstərməyəcək və irəli sürməyə namizədləri yoxdur. Bu baxımdan, seçki prosesinin üzərinə kölgə salmaq, özlərinin zəifliklərini ört-basdır etmək üçün seçkiyə getmək istəmirlər".
Elvin Abdulqədirov
Azvision.az
Teqlər: YAP Seçki Müxalifət SiyavuşNovruzov