Elmar Vəliyevin müavini prezidentə məktub yazdı

Elmar Vəliyevin müavini prezidentə məktub yazdı
  03 Fevral 2014    Oxunub:1101
Gəncə şəhər icra başçısının müavini, YAP Gəncə şəhər Təşkilatının sədri Naqif Həmzəyev prezident İlham Əliyevə məktub yazıb.
AzVision.az-ın məlumatına görə, N.Həmzəyev ölkə başçısına ünvanladığı məktubunda Gəncə şəhərinə göstərdiyi qayğıya görə, prezidentə təşəkkür edib:

“Ölkəmizin bütün regionları, şəhər və rayonları kimi, gündən-günə gözəlləşən doğma Gəncəmizə də göstərdiyiniz yüksək dövlət qayğısına görə Sizə Yeni Azərbaycan Partiyası Gəncə şəhər Təşkilatının üzvləri adından dərin təşəkkürümüzü bildiririk.

Bu günlər bütün gəncəlilər Sizin Gəncəyə səfərinizdən, şəhərimizdəki yeniliklərə verdiyiniz yüksək qiymətdən doğan sevinc içərisindədirlər. Hesab edirik ki, Gəncə şəhərinin sosial-iqtisadi inkişafının sürətləndirilməsi ilə əlaqədar əlavə tədbirlər haqqında imzaladığınız Sərəncam görülən bütün quruculuq işlərinin daha keyfiyyətli və davamlı olmasını təmin edəcəkdir.

Əmin ola bilərsiniz ki, Yeni Azərbaycan Partiyası Gəncə şəhər Təşkilatı Sizin genişmiqyaslı, yorulmaz fəaliyyətinizi daim yekdilliklə dəstəkləyərək, partiyanın bütün üzvlərini şəhərimizin iqtisadi və sosial-mədəni inkişafına dair tövsiyə və tapşırıqlarınızın yüksək səviyyədə yerinə yetirilməsinə səfərbər edəcəkdir”.

AzVision.az


Teqlər:  





Xəbər lenti