Nikol komandasına istefaya getməyəcəyinə söz verib - "Hraparak"

Nikol komandasına istefaya getməyəcəyinə söz verib - "Hraparak"
  21 Sentyabr 2023    Oxunub:1334
Ermənistanın baş naziri Nikol Paşinyan yaxın çevrəsində olanlara bəyan edib ki, istefaya getməyəcək. Bu fikirlər “Hraparak” qəzetində dərc olunan məqalədəndir.
Nəşr yazıb ki, ötən gecə hökumət binası yaxınlığında baş tutmuş etiraz aksiyaları fonunda Paşinyan dar çevrədə görüş təşkil edib və onlara istefa verməyəcəyini, nəyin bahasına olursa-olsun hakimiyyəti saxlayacağına söz verib.

İrəvanda iğtişaşlarla bağlı kütləvi həbslər başladı
Məqalə müəllifi qeyd edib ki, baş nazirin bu qərarından sonra meydanda təhlükəsizlik qüvvələri etirazçılara qarşı daha sərt tədbirlərə əl atıb.

Xatırladaq ki, İrəvanda kütləvi etirazlar sentyabrın 19-da, Azərbaycan Ordusu Qarabağda antiterror əməliyyatlarına start verəndən sonra başladı. Vətəndaşlar Ermənistan hökumətini dövlətə xəyanətdə ittiham edərək Nikol Paşinyanın istefasını tələb edirlər.

Tural Tağıyev
AzVision.az



Teqlər:   Paşinyan   İstefa   Aksiya  





Xəbər lenti


Azvision.az ©2014 | Bütün hüquqları qorunur