Separatçı əsgərlər Ermənistan ordusuna cəlb olunacaqlar

Separatçı əsgərlər Ermənistan ordusuna cəlb olunacaqlar
  29 Sentyabr 2023    Oxunub:1148
"Qarabağın Müdafiə Ordusunun (Keçmiş separatçı rejimin silahlıları-red.) hərbi qulluqçuları Ermənistan Respublikası Silahlı Qüvvələrində xidmətini davam etdirə bilərlər".
AzVision.az xəbər verir ki, bunu jurnalistlərə Ermənistan müdafiə nazirinin müavini Arman Sarkisyan deyib.

İrəvan separatçı "mer"i niyə hərbi qaydalarla basdırdı? - VİDEO
O qeyd edib ki, "həmin hərbi qulluqçuların Ermənistan Respublikasının Müdafiə Nazirliyində xidmətə başlaması bizim üçün arzuolunan olardı. Çünki bunlar bizim soydaşlarımızdır və öz təcrübələri, hərbi bilikləri ilə ölkənin Silahlı Qüvvələrinə fayda verə bilərlər".

Bildirilir ki, hazırda Müdafiə Nazirliyi vəziyyəti araşdırır və Ermənistan Silahlı Qüvvələrinin sıralarına qoşulmaq istəyən bütün hərbi qulluqçular bu imkanı əldə edəcəklər. Nazir müavini Qarabağdan qaçan silahlı birləşmələrin üzvlərini əmin edib ki, nazirlik Qarabağdan olan hərbçilərlə əlaqə saxlayacaq.

Xatırladaq bir müddət öncə Qarabağda mövcud olmuş separatçı rejimin keçmiş rəhbəri Samvel Şahramanyan 2024-cü il yanvarın 1-dək bütün dövlət qurumlarının buraxılması haqqında "fərman" imzalamışdı.

Tural Tağıyev
AzVision.az



Teqlər:   Ermənistan   Qarabağ  





Xəbər lenti


Azvision.az ©2014 | Bütün hüquqları qorunur