Ordumuzun hücumu Paşinyanı necə qorxuya salıb? - "Hraparak" detalları açıqladı

Ordumuzun hücumu Paşinyanı necə qorxuya salıb? - "Hraparak" detalları açıqladı
  24 Oktyabr 2023    Oxunub:1353
Ermənistanın baş naziri Nikol Paşinyan "Dağlıq Qarabağ"ın ləğvinə dair fərmanın mətni ilə şəxsən tanış olub.
Bu fikirlər “Hraparak” qəzetində dərc olunan məqalədəndir. Nəşr öz mənbələrinə istinadən yazır ki, Paşinyan özü keçmiş qondarma rejimin rəhbəri Samvel Şahramanyanı sentyabrın 19-20-də döyüşləri dayandırmaq üçün hər şeyi etməyə və Azərbaycanın bütün tələbləri ilə razılaşmağa çağırıbmış.

Bakı Şahramanyanın son təklif və yalvarışlarını rədd edibmiş
Qəzet iddia edir ki, Azərbaycan tərəfi separatçıların nümayəndələrinə ordunun və bütün "dövlət qurumları"nın buraxılması, silahların təhvil verilməsi tələblərini çatdıranda Şahramanyan Ermənistan Milli Təhlükəsizlik Xidmətinin direktoru Armen Abazyanla əlaqə saxlayıb. O, Abazyanın vasitəçiliyi ilə Paşinyanla yeganə telefon danışığı aparıb.

"Baş nazir Bakının bütün tələbləri yerinə yetirməyə və döyüşlərin Ermənistan ərazisinə keçməsinə imkan verməməyə çağırıb", - müəllif qeyd edib.

Xatırladaq ki, Azərbaycanın ötən ay cəmi 23 saata apardığı antiterror tədbirləri separatçıların qondarma rejimini tarixə gömdü. Sentyabrın 28-də xuntanın rəhbəri olmuş separatçı Samvel Şahramanyan 2024-cü il yanvarın 1-dək bütün "dövlət institutlarının" ləğvi və tanınmamış "Dağlıq Qarabağ Respublikası"nın mövcudluğuna xitam verilməsi haqqında fərman imzaladı.
Tural Tağıyev
AzVision.az



Teqlər:   Ermənistan   Azərbaycan   Paşinyan  





Xəbər lenti


Azvision.az ©2014 | Bütün hüquqları qorunur