AzVision.az “Politiko” nəşrinin yaydığı məlumata istinadən xəbər verir ki, Rusiyanın ticarət göstəricilərinin təhlilinə əsasən, ötən ilin ilk 10 ayında Qərb şirkətləri döyüş komponentlərinin 48%-ni tədarük edib. Halbuki, bu məsələdə Çinin payına 45% düşüb. “Yermak-Makfol” qrupunun və Kiyev iqtisadiyyat məktəbinin hesabatında belə statistika açqılanıb.

Rusiyanın 2023-cü ildə aldığı ikili təyinatlı malların istehsalçılarının siyahısına Amerikanın yarımkeçirici nəhəngi olan “Intel” şirkəti başçılıq edir. İkinci yerdə Çinin məşhur “Huawei” şirkəti dayanır. İlk 10-luqda daha sonra Amerikanın Analog Devices, AMD, Texas Instruments, IBM və Dell şirkətləri yer alıblar.

Beləliklə də, 2023-cü ilin ilk üç rübündə Rusiyanın aldığı “hərbi” malların demək olar ki, yarısı qərargahı ixrac nəzarəti tətbiq edən ölkələrdə yerləşən istehsalçıların payına düşüb.

Amma, nədənsə, həmin şirkətlərə Vaşinqton və onun müttəfiqləri sanksiyalar tətbiq etməyə tələsmirlər. Doğru deyiblər ki, böyüklərin öz qəribəlikləri olur.
AzVision.az