Erməni vəkil terrorçunu müdafiə edir

Erməni vəkil terrorçunu müdafiə edir
  18 Aprel 2017    Oxunub:1494
Sankt-Peterburqda metroda törədilən terrorun təşkilatçılarından biri hesab olunan Əbror Əzimov günahını etiraf edib.
AzVision.az “RİA Novosti”yə istinadən xəbər verir ki, bunu aprelin 18-də Moskvanın Basmann rayon məhkəməsində onun erməni əsilli vəkili Armen Zadoyan bildirib.

Məlumatda vurğulanır ki, vəkil detalları dəqiqləşdirməkdən imtina edib.

Qeyd edək ki, aprelin 17-də Rusiya Federal Təhlükəsizlik Xidmətinin əməkdaşları Moskvada 1990-cı ildə Orta Asiyada anadan olan Əbror Axraloviç Əzimovu tutub. Əzimov aprelin 3-də Sankt-Peterburqda metroda törədilən terrorun təşkilatçılarından biri hesab olunur.

Xatırladaq ki, aprelin 3-də Sankt - Peterburq metrosunda törədilən terror aktı zamanı 14 nəfər həyatını itirmiş, 40-dan çox adam yaralanmışdı. Ölənlərdən biri azərbaycanlıdır.

Eldar Tanrıverdiyev
AzVision.az



Teqlər: Rusiya   Peterburq   Terror  





Xəbər lenti