Bakıda vulkan püskürüb: Alovun hündürlüyü 300 metrdir - (FOTO)

  23 Sentyabr 2018    Oxunub : 3977
Bakıda vulkan püskürüb: Alovun hündürlüyü 300 metrdir - (FOTO)
Otman-Bozdağ palçıq vulkanında püskürmə baş verib.

Ekologiya və Təbii Sərvətlər Nazirliyinin Bakı və Abşeron yarımadasının palçıq vulkanları qrupu Dövlət Təbiət Qoruğunun direktoru Ceyhun Paşayev AzVision.az-a bildirib ki, 23 sentyabr 2018-ci il tarixində saat 08:53 radələrində Bakı şəhəri Qaradağ rayonu ərazisində yerləşən Otman-Bozdağ palçıq vulkanında püskürmə qeydə alınıb.
İkinci püskürmə saat 09: 58 radələrində baş verib. Hazırda püskürmə prosesi davam edir. Alovun hündürlüyü 200-300 metrdir. Ərazidə çoxlu sayda dərinliyi 40 metrə çatan çatlar yaranıb.

Xatırdaq ki, dünyanın ikinci böyük palçıq vulkanı olan Otman-Bozdağ vulkanında son püskürmə 2017-ci il fevral ayının 6-da baş verib.



AzVision.az

Teqlər: ETSN   Vulkan