Bildirilib ki, əhalinin hər 100 min nəfərinə hesabı ilə qeydə alınmış cinayət hadisələrinin sayı əvvəlki dövrlə müqayisədə 6 faiz artaraq 135 olub. Onların 59,9 faizi az ağır, 27,6 faizi böyük ictimai təhlükə törətməyən, 12,5 faizi ağır və xüsusilə ağır cinayətlərə aiddir.

Məlumatda qeyd edilib ki, cinayətlərin strukturunda 2708 hadisə şəxsiyyət əleyhinə, 5761 hadisə iqtisadi sahədə törədilən, 4214 hadisə ictimai təhlükəsizlik və ictimai qayda əleyhinə, 850 hadisə dövlət hakimiyyəti əleyhinə (onlardan 203 hadisə korrupsiya cinayətləri və qulluq mənafeyi əleyhinə olan digər cinayətlər), 1-i isə digər cinayətdir.

Qeydə alınmış həyat və sağlamlıq əleyhinə olan cinayətlərdən 1518-i qəsdən sağlamlığa yüngül zərər vurma, 309-u qəsdən sağlamlığa az ağır zərər vurma, 162-si qəsdən sağlamlığa ağır zərər vurma, 126-sı qəsdən adam öldürmə və adam öldürməyə cəhd, 29-u ehtiyatsızlıqdan adam öldürmə, 8-i əzab vermə, qalanları isə digər cinayətlərə aiddir.

Aytən Zəhra
Azvision.az