Ermənilər Bərdəni atəşə tutdu, 16 yaşlı oğlan həlak oldu

  07 Noyabr 2020    Oxunub : 2161
 Ermənilər Bərdəni atəşə tutdu,  16 yaşlı oğlan həlak oldu
Ermənistanın silahlı qüvvələri elan edilmiş̧ humanitar atəşkəs rejiminin tələblərini kobud şəkildə pozmaqla dinc mülki əhalimizə qarşı cinayət əməllərini davam etdirir.
Baş Prokurorluğun mətbuat xidmətindən Azvision.az-a bildirilib ki, noyabrın 7-də düşmən tərəfin silahlı birləşmələri tərəfindən Bərdə rayonu müxtəlif istiqamətlərdən intensiv raket və ağır artilleriyadan atəşə tutulub.

Bu gün saat 16 radələrində Bərdə rayonunun Yeni Əyricə kəndində fərdi yaşayış̧ evinə mərmi düşməsi nəticəsində 2004-cü il təvəllüdlü Rəhimov Şahmalı Ətraf oğlu həlak olub, yaşayış̧ evinə isə ciddi ziyan dəyib.

Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilir.

Azvision.az

Teqlər: Bərdə   Prokurorluq