İctimai iaşə müəssisələrinin yeni iş rejimi açıqlandı - RƏSMİ

  23 Mart 2020    Oxunub : 1658
 İctimai iaşə müəssisələrinin yeni iş rejimi açıqlandı - RƏSMİ
Nazirlər Kabineti yanında Operativ Qərargahın koronavirus infeksiyasının yayılmasının qarşısının alınması məqsədilə xüsusi rejim tətbiq edilməsi haqda qərarına əsasən ictimai iaşə müəssisələrinə yeni iş rejimi tətbiq olunur.
Azvision.az xəbər verir ki, yeni iş rejiminə əsasən müştərilərə yerində xidmət vaxtı saat 12.00-15.00 arası müəyyən edilir, evə götürmə, çatdırma və onlayn satışlara məhdudiyyətsiz icazə verilir.

Bundan əlavə, nəzdindəki supermarketlər, ərzaq mağazaları və apteklər istisna olmaqla, ölkə ərazisində ticarət mərkəzlərinin və “Mall”arın fəaliyyəti dayandırılır.

Ərzaq mağazalarının, apteklərin və digər həyat əhəmiyyətli obyektlərin fəaliyyəti təmin edilir.

Qeyd edək ki, Azərbaycanda 24 mart 2020-ci il saat 00:00-dan etibarən 20 aprel saat 00:00-dək xüsusi karantin rejimi elan edilib.

Azvision.az

Teqlər: Nazirlər-Kabineti   Qərargah   Koronavirus   Xüsusi-rejim