Şamaxı “ASAN xidmət” mərkəzi fəaliyyətə başlayıb

Şamaxı “ASAN xidmət” mərkəzi fəaliyyətə başlayıb
  24 Dekabr 2019    Oxunub:7856
Bu gün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Şamaxı “ASAN xidmət” mərkəzi fəaliyyətə başlayıb.
Azvision.az xəbər verir ki, Şamaxı “ASAN xidmət” mərkəzi əsasən Şamaxı, Qobustan, İsmayıllı, Ağsu və Göyçay rayonlarında qeydiyyatda olan 450 minə yaxın vətəndaşla yanaşı, ölkə üzrə ərazi məhdudiyyəti olmadan bütün vətəndaşlara da xidmət göstərəcək.

Qeyd edək ki, 5 dekabr tarixində Azərbaycan Respublikasının Prezidenti İlham Əliyev Şamaxı “ASAN Həyat” kompleksinin açılışında iştirak edib.

Ölkəmizdə hazırda 16 “ASAN xidmət” mərkəzi mövcuddur. Onlardan 5-i paytaxt Bakıda, digər 11-i isə regional mərkəzlər olmaqla Sumqayıt, Gəncə, Sabirabad, Bərdə, Qəbələ, Quba, Masallı, Mingəçevir, İmişli, Şəki və Şamaxıda yerləşir.

Anar Kəlbiyev
Azvision.az



Teqlər: Şamaxı   ASAN-Xidmət  





Xəbər lenti