Paytaxtın istilik sistemi vaxtından tez kəsilə bilər

Paytaxtın istilik sistemi vaxtından tez kəsilə bilər
  09 Mart 2018    Oxunub:4959
“Havaların isti keçməsi ilə əlaqədar müraciətlər daxil olarsa, vaxtından əvvəl istilik mövsümünün bitməsi məsələsinə baxıla bilər”

Bu barədə AzVision.az-a “Azəristiliktəchizat” ASC-nin abonent və müştəri xidmətlərinin rəisi Rafiq Əliyev bildirib.
Qurum rəsmisinin sözlərinə görə, istilik mövsümü müqavilələrdə 5 ay nəzərdə tutulub: “Əgər təşkilatlar müraciət etsələr ki, havaların istiləşməsi ilə əlaqədar vaxtından əvvəl istilik mövsümü bitsin, buna ayrıca baxılacaq”.

R.Əliyev, həmçinin qeyd edib ki, “Azəristiliktəchizat” ASC-nin “Azəriqaz” ASC ilə ciddi borc problemi yoxdur.
““Azəriqaz”a borcların qaytarılması ilə bağlı hər hansı problem yoxdur. Ciddi fikir ayrılığı, konfilikt mövcud deyil. Bu məsələlər hökümət tərəfindən tənzimlənir”.

Qeyd edək ki, noyabr ayının 15-də başlayan istilik mövsümü Bakı şəhərində aprel ayının 15-də, dağlıq ərazilərdə isə aprelin 30-da sona çatır.

Aytən Zəhra
AzVision.az


Teqlər: İstilik   ASC   Mənzil  





Xəbər lenti