Qeyd edilən ölkələrdən gələnlər Azərbaycana səfər etmiş xarici əcnəbilərin 70%-ni təşkil edir. Vacib bir məqam isə odur ki, cari ildə İrandan Azərbaycana gələn turistlərin sayı ötən ilin müvafiq dövrü ilə müqayidə 35 faiz azalıb. Ötən ildən fərqli olaraq bu il paytaxtda iranlı turistlər o qədər də gözə dəymirlər. Səbəb nədir?

Azərbaycan Turizm Assosiasiyası İdarə heyətinin sədri Nahid Bağırov AzVision.az-a açıqlama verərək İrandan gələn turistlərin sayının azalmasını qonşu ölkədəki iqtisadi vəziyyətlə əlaqələndirib.



“İrandan yalnız Azərbaycana deyil, bütün ölkələrə gedən turistlərin sayı azalıb. Bu da İranda baş verən hadisələrlə bağlıdır. Ölkənin iqtisadi problemləri, dollar almaq məhdudiyyətinin olması, iranlı vətəndaşın ölkədən çıxışı zamanı verginin çoxalması, eyni zamanda devalvasiya iranlı turistlərin sayının azalmasına səbəb olub. Hazırda bu ölkədə dollar almaq çətindir. Keçən illə müqayisədə bu il iranlı turistlərin sayı azalıb. Keçən il Bakı və bölgələrdə iranlı turistlər çoxluq təşkil edirdi”.



N.Bağırov qeyd edib ki, iranlı turistlərinin sayının azalması gələn il də müşahidə ediləcək: “Çalışacağıq ki, boşalan İran bazarını başqa ölkələrdən olan turistlərlə əvəz edək. Hazırda Hindistan və digər ölkələrdən axın çoxalır. Digər ölkələrdən ölkəmizə turistləri cəlb etmək üçün işlər görürük”.

Aytən Zəhra
AzVision.az