İrana gedən azərbaycanlıların sayı 75,2 faiz artıb

  25 Fevral 2019    Oxunub : 1166
 İrana gedən azərbaycanlıların sayı 75,2 faiz artıb
Yanvarda xarici ölkələrə gedən Azərbaycan vətəndaşlarının sayı əvvəlki ilin müvafiq ayı ilə müqayisədə 19,3 faiz artaraq 357,1 min nəfər olub.

Bu barədə Azvision.az -a Dövlət Statistika Komitəsindən məlumat verilib.
Qeyd olunub ki, ölkə vətəndaşlarının 35 faizi İrana, 28 faizi Gürcüstana, 20,9 faizi Rusiyaya, 10,2 faizi Türkiyəyə, 1,2 faizi Ukraynaya, 1,1 faizi Birləşmiş Ərəb Əmirliklərinə, 3,6 faizi isə digər ölkələrə səfər edib. Səfər edənlərin 68,1 faizi kişilər, 31,9 faizi isə qadınlar olub.

Ay ərzində İrana gedən Azərbaycan vətəndaşlarının sayı 75,2 faiz, Rusiyaya gedənlərin sayı 6,5 faiz, Gürcüstana gedənlərin sayı 2,5 faiz artıb, Türkiyəyə gedənlərin sayı isə 2,6 faiz azalıb. Keçən ay xarici ölkələrə səfər etmiş Azərbaycan vətəndaşlarının 81,9 faizi dəmir yolu və avtomobil, 17,3 faizi hava, 0,8 faizi isə su nəqliyyatından istifadə edib.

Azvision.az

Teqlər: DSK   Azərbaycanlı   İran