DTX əməkdaşları "Heydər zirvəsi"nə yürüş təşkil ediblər

DTX əməkdaşları "Heydər zirvəsi"nə yürüş təşkil ediblər
  06 May 2024    Oxunub:784
Dövlət Təhlükəsizliyi Xidmətinin (DTX) bir qrup əməkdaşı tərəfindən Ümummilli Lider Heydər Əliyevin anadan olmasının 101-ci ildönümü münasibətilə Ulu Öndərin adını daşıyan, Böyük Qafqaz sıra dağlarının Başdağ silsiləsinin dəniz səviyyəsindən 3751 metr hündürlükdə yerləşən "Heydər zirvəsi"nə ənənəvi yürüş təşkil olunub.
Dövlət Təhlükəsizliyi Xidmətinin Mətbuat xidmətindən AzVision.az -a məlumat verilib ki, yürüş iştirakçıları mürəkkəb relyef və sərt iqlim şəraitində qabaqcadan müəyyən olunmuş marşrut üzrə hərəkətlərini davam etdirərək təyin olunmuş vaxtda "Heydər zirvəsi"nə qalxıblar.

Ümummilli Liderin barelyefi önündə dahi şəxsiyyətin əziz xatirəsini dərin ehtiramla yad etdikdən sonra orada Azərbaycan Respublikasının Dövlət Bayrağını ucaldıb, DTX-nin adı və emblemi əks olunan plakatı yerləşdiriblər.

AzVision.az


Teqlər:





Xəbər lenti