Gəncədə seçicilərlə növbəti görüş - VİDEO
Tədbirdə YAP Mərkəzi Seçki Qərargahı Gəncə şəhər şöbəsinin və partiyanın şəhər Təşkilatının sədri, millət vəkili Naqif Həmzəyev çıxış edərək qeyd edib ki, Gəncə sakinlərinin bu məhəbbətini ölkə Başçısı cənab İlham Əliyev uzaqgörən siyasəti, xalqa, Vətənə xidmətləri ilə qazanıb. Qədim Gəncə son dövrlər daha sürətli inkişaf edərək Azərbaycanınsənaye, elm, təhsil, mədəniyyət mərkəzlərindən birinə çevrilib. `Dövlət Başçısının regionların sosial-iqtisadi inkişafına dair Dövlət Proqramında Gəncə ilə bağlı nəzərdə tutulan tədbirlərin uğurlu icrası şəhər əhalisinin sosial rifahının yaxşılaşmasına da müsbət təsir edib. Naqif Həmzəyev seçiciləri xalqımızı nurlu sabahlara aparan Ulu Öndərin bəşəri ideyalarını uğurla davam etdirən cənab İlham Əliyevə səs verməyə çağırıb.
Görüşdə YAP Mərkəzi Seçki Qərargahı Gəncə şəhər şöbəsinin üzvləri Musa Quliyev, Pərvin Kərimzadə, Fuad Əliyev, İbrahim Cəfərov, Elnur Həsənov və digərləri çıxış edərək cənab İlham Əliyevin rəhbərliyi ilə son 15 il ərzində həyata keçirilmiş işlər və qazanılmış uğurlu nailiyyətlər barədə öz fikirlərini bölüşüblər. Natiqlər seçiciləri 11 aprel 2018-ci il tarixində xalqın alternativsiz namizədi cənab İlham Əliyevə səs verməyə səsləyiblər.
Çıxış edən seçicilər də 2018-ci il aprelin 11-nin ölkəmizdə, o cümlədən Gəncənin tarixində unudulmaz bir gün olacağından və bunun üçün səsvermə hüququ olan hər bir şəhər sakininin fəallıq nümayiş etdirməsinin vacibliyindən danışıblar. Bildiriblər ki, bütün gəncəlilər cənab İlham Əliyevə böyük hörmət, inam və etimad bəsləyir, müdrik şəxsiyyətin yenidən Prezident seçilməsinə yekdilliklə qərar veriblər.
AzVision.az
Teqlər: Gəncə Seçki Naqif-Həmzəyev