Dünyanın zənginləri siyahısına düşmək çətinləşir

  Dünyanın zənginləri  siyahısına düşmək çətinləşir
  28 Fevral 2024    Oxunub:957
ABŞ-da ən zəngin insanların ilk 1%-nə daxil olmaq getdikcə çətinləşir. Belə ki, bu il qrupa qoşulmaq istəyənlərə azı 5,8 milyon dollar lazımdır.
AzVision.az xəbər verir ki, bu barədə "Bloomberg" "Knight Frank"ın araşdırma məlumatlarına istinadən məlumat yayıb.

Qeyd edilib ki, zənginlər siyahısına düşmək üçün lazım olan məbləğ bir il əvvəlkindən demək olar ki, 15% çoxdur.

Ölkənin ən varlı sakinlərinin reytinqinə daxil olmaq üçün yüksək hədd hələ də Monakodadır. Bu, 12,8 milyon dollar (illik müqayisədə +3,2%) təşkil edir. Lüksemburq və İsveçrədə hədd bir qədər aşağıdır - 8 milyon dollar.

"Knight Frank" analitikləri vurğulayırlar ki, ABŞ və Avropada varlılar və kasıblar arasındakı uçurum sürətlə böyüməyə davam edir. Gələcəkdə hökumətlərin sərvətin harada cəmlənməsinə və qlobal iqtisadiyyatlar arasında necə bölüşdürülməsinə daha çox diqqət yetirməsi gözlənilir.

Aytən Zəhra
AzVision.az


Teqlər:





Xəbər lenti