Zaqatalada dönərdən zəhərlənənlərin sayı 40-a çatıb - Yenilənib

 Zaqatalada dönərdən zəhərlənənlərin sayı 40-a çatıb -  Yenilənib
  08 May 2024    Oxunub:1498
Zaqatalada dönərdən zəhərlənənlərin sayı artıb.
APA-nın məlumatına görə, axşam saatlarından başlayaraq toyuq dönəridən zəhərlənərək Zaqatala Rayon Mərkəzi Xəstəxanasının təcili yardım şöbəsinə müraciət edənlərin sayı 40-a çatıb.

Zəhərlənmə əlamətləri ilə müraciətlər davam edir.
***
Zaqatala şəhərində yerləşən iaşə obyektlərindən birində 15 nəfərin qidadan zəhərlənməsi faktı üzrə Zaqatala rayon prokurorluğunda araşdırma aparılır.

Baş Prokurorluğun Mətbuat xidmətindən AzVision.az-a verilən məlumata görə, ilkin ehtimallara əsasən, rayon sakinləri quş əti tərkibli qidadan zəhərləniblər.

Zəhərlənmənin səbəbinin müəyyənləşdirilməsi məqsədilə iaşə obyektindən qida nümunələri götürülərək müvafiq ekspertizalar təyin olunub və digər zəruri prosesual hərəkətlər yerinə yetirilib.

* * *

22:55
Zaqatalada dönərdən zəhərlənənlərin sayı 30-a çatıb.
AzVision.az APA-ya istinadən xəbər verir ki, axşam saatlarından başlayaraq toyuq dönərindən zəhərlənib Zaqatala RMX-nın Təcili Yardım Şöbəsinə müraciət edənlərin sayı 30-a çatıb.

Zəhərlənmə əlamətləri ilə müraciətlər davam edir.

* * *

21:37
Bu gün saat 17:40-dan başlayaraq qidadan zəhərlənmə şübhəsi ilə 15 nəfər (10 qadın, 5 kişi) Zaqatala Rayon Mərkəzi Xəstəxanasının Təcili yardım şöbəsinə yerləşdirilib.
TƏBİB-dən AzVision.az -a verilən məlumata görə, onlardan 5-i uşaqdır.

"Xəstələrin vəziyyəti orta ağır, huşları aydındır. Hazırda müayinə və müalicələri davam etdirilir", - məlumatda bildirilir.

AzVision.az


Teqlər: hadisə   zəhərlənmə   TƏBİB  





Xəbər lenti