Almaniya Rusiya aktivlərindən əldə edilən gəlirin istifadəsini dəstəklədi

   Almaniya Rusiya aktivlərindən əldə edilən gəlirin istifadəsini dəstəklədi
  21 May 2024    Oxunub:755
Almaniya ABŞ-ın Rusiyanın dondurulmuş aktivlərindən gələcək gəlirləri Ukraynaya 50 milyard dollar yardım göstərmək üçün istifadə etmək planını dəstəkləməyə hazırdır.
Bu barədə Bloomberg mənbələrə istinadən məlumat yayıb. ABŞ-ın son təklifi Avropa paytaxtlarında, o cümlədən Berlində daha müsbət qarşılanıb, çünki əsas borc götürülmədən aktivlər üzrə qazanılan faizlərdən istifadəni nəzərdə tutur.

ABŞ-ın təklifinin mayın 23-dən 25-dək İtaliyada keçiriləcək Yeddilik (G7) ölkələrinin maliyyə nazirləri və mərkəzi bank rəhbərlərinin görüşündə əsas müzakirə mövzusu olacağı gözlənilir. Eyni zamanda, Almaniya rəsmiləri məsələ ilə bağlı yekun razılığın iyun ayına qədər, təklifin isə gələn ilə qədər həyata keçirilməsini gözləmirlər.

Agentlik qeyd edib ki, Berlinin təsdiqi Vaşinqtonu və onun müttəfiqlərini Kiyevə yeni əhəmiyyətli yardım paketi təqdim etməyə yaxınlaşdıracaq həlledici addım ola bilər.

İlkin Nəcəfzadə
AzVision.az


Teqlər:





Xəbər lenti